— Det er alltid kjekt å møte eit smilande fjes

— Kva er din favoritt-hobby?

— Å bake gjærbakst.

— Kor reiser du helst på ferie?

— Syden, utan tvil. Eg er veldig glad i Spania, men varme land generelt.

— Kva er det beste med bygda du bur i?

— Kjensfolk som regel overalt, alltid kjekt å møte eit smilande fjes eller få eit hei» frå ein kjend person på butikken, for eksempel.

— Kva saknar du i bygda di?

— Bowlinghall og symjehall.

— Kva er ditt favorittmåltid?

— Heimelaga pizza og lasagne.

— Kva gler og kva irriterer deg mest?

— Ein god treningsøkt eller å få reise gler meg. Og folk som køyrer under fartsgrensa i trafikken irriterer meg.

— Dersom du hadde politisk makt, kva ville du kjempa for?

— Fred i verda.

— Kva gjer du når du skal unna deg noko ekstra?

— Då kjøper eg meg sjokolade, legg meg på sofaen, slappar av og ser ein bra film.

— Kva er ditt beste barndomsminne?

— Det var alltid kjekt å feire jonsok på Øvernes saman med familien.

— Kven ser du mest opp til?

— Morfar, utan tvil. Han var ein sprek og klok mann med utruleg god hukommelse. Han kunne fortelje gode historier frå krigen, gjekk tur kvar morgon sjølv i ein alder av 90 år, og han var ei stor inspirasjon når det kom til bakst.