— Det beste med å flytte til Ølen er dei inkluderande folka

— Det meste innan friluftsliv, både sommar og vinter.

— Kor reiser du helst på ferie?
— Eg likar best å telte i Noreg om sommaren, men Spania er ein favoritt når eg treng litt varme.

— Kva er det beste med bygda du bur i?
— For ei som kjem frå flate Jæren, set eg stor pris på fjelltoppane i nærleiken. Det beste med å flytte til Ølen er dei inkluderande folka – det har vore fint å etablere seg her.

— Kva saknar du i bygda di?
— Ein kino hadde vore topp!

— Kva er ditt favorittmåltid?
— Alt som kjem frå sjøen er godt, spesielt krabbe og blåskjell.

— Kva gler og kva irriterer deg mest?
— Eg blir glad av å hjelpe andre og av dei hyggelege kundane eg møter kvar dag på jobb.
Det som irriterer meg mest, er når ting tek for lang tid – eg er nok litt utolmodig og vil ha ting gjort med ein gong.

— Dersom du hadde politisk makt, kva ville du ha kjempa for?
— Eigenskapen som eg nemnde ovanfor passar kanskje ikkje så godt saman med politikk. Men eg ville kjempa for at alle barn skal oppleve meistring i noko, og at dei skal kjenne at dei får ting til.

— Kva gjer du når du skal unna deg noko ekstra?
— Då nyt eg eit godt glas med raudvin.

— Kva er ditt beste barndomsminne?
— Torsdagane gjennom heile barneskulen – då var mormor hos oss. Me fekk pannekaker med krem til middag. Ho var ei fantastisk dame som alltid sette familie og barnebarn først.

— Kven ser du mest opp til?
— Foreldra mine. Dei har alltid stilt opp på alt, sjølv om me er fire søsken og det sikkert har vore travelt. Huset deira er alltid ope, og alle er velkomne rundt middagsbordet.