— Det beste er at me har ei levande bygd med mange eldsjeler

—

Kva er din favoritthobby?

— Korps har vore ein favoritthobby i heile mitt liv, men er sett på pause ein periode. Håpar å starte opp igjen med det i framtida.

— Kor reiser du helst på ferie?

— Båtferie i Vestland fylke. Verdens finaste region.

— Kva er det beste med bygda du bur i?

— At det er ei levande bygd med mange eldsjeler.

— Kva saknar du i bygda di?

— Eg saknar ingenting.

— Kva er ditt favorittmåltid?

— Når svigermor inviterer heile familien på komla.

— Kva gler deg og kva irriterer deg?

— Når dei rundt meg lukkast og når eg får samla barn og barnebarn som bur i Bergen. Eg irriterer meg når folk eg veit har det godt klagar over kor forferdeleg vi har det i Norge.

— Dersom du hadde politisk makt, kva ville du kjempa for?

— At dei som slit økonomisk skal få ein trygg og god plass og bu.

— Kva gjer du når du skal unne deg noko ekstra?

— Hentar eit eller fleire barnebarn frå Bergen til Etne og kosar meg med dei utan foreldra.

— Kva er ditt beste barndomsminne?

— Eg har mange gode barndomsminne frå Holmedal i Sunnfjord der eg vaks opp, men skal eg trekke fram noko, må det vere fisketurane på Dalsfjorden anten med pappa i snekka hans eller i robåten med bestemor mi.

— Kven ser du mest opp til?

— Bestmor mi som vart aleinemor etter krigen. Ho takla alle utfordringar med pågangsmot og galgenhumor.