Dei beste vêrlamma
Etne Sau og Geit hadde i helga kåring av dei beste vêrlamma i laget. Arne Grindheim fekk den gjevaste premien med ein flott villsauvêr.
Kåringa fann stad i helga på utstillingsplassen på Tongane. Dei seinare åra har dette skjedd på den årlege bondemarknaden, men det lot seg ikkje gjera i år.
Dorthe Svantesvold, som er styremedlem i Etne Sau og Geit, seier at det var 120 lam som var påmelde.
Annonse
— Det var dyr fleire ulike rasar, og det er kjekt at det også var villsau med i år, seier ho.
Det var 120 påmelde lam fordelt på fleire rasar. FOTO: Dorthe Svantesvold
Den gjevaste premien er Bjødla», som eigar av årets finaste vêr blir tildelt. I år var det Arne Grindheim som fekk den æra.
Annonse
— Me kallar dyret som vinn hovudpremien årets Gromvær», seier Svantesvold.
Andre vinnarar var Ole Sævareid med beste NKS-lam. Han hadde med seg Sigrid Mokleiv Sævareid og Sondre Sævareid, og poengsummen dei oppnådde var 168 poeng.
Sigrid Mokleiv Sævareid viser fram lammet som blei kåra til beste NKS-lam. Bakanfor henne står Sondre Sævareid. FOTO: Dorthe Svantesvold
Med 159 poeng vann Sondre Lauareid Hovda klassen for spællam.
