Dedikert til kyrkja

Denne veka fekk Bjørn Asgeir Lunde frå Ølensvåg Grannarblomen for den store dugnadsinnsatsen han har gjort for Ølen kyrkje. Han er ein engasjert mann i kyrkjemiljøet, og kyrkja har hatt ei viktig rolle i livet hans. I nominasjonen av Lunde kom det fram at han har gjort ein eineståande dugnadsinnsats ved oppussinga av Ølen kyrkje over lang tid. Han ynskjer at fleire skal komme i kyrkja, og synest det er fint å få bidra til opprustinga av kyrkja.

Utsett for stygg arbeidsulykke

Lunde blei i 1991 utsett for eit stygt fall i ei arbeidsulykke, og som ein følgje av det blei han uføretrygda. Han fekk skuldra ut av ledd, som førte til ein nerveskade som ingen har klart å fikse etter mange forsøk.