Cathrine er leiar for seniortrimmen: — Ein god trenar

— Cathrine stiller kvar onsdag og er ein god trenar som gir deltakarane gode instruksjoner og rettleiar den einskilde deltakaren. Me er avhengig av eldsjelar som ho for at lokalsamfunnet skal gå rundt, skriv ein grannar-lesar som meiner Cathrine er ein verdig kandidat til Grannarblomen.

Trening er ein stor del av livet til Cathrine. Når gymmen på Bjoa blei laga, fann dei ut at dei trengte nokon som kunne vise, hjelpe og rettleie seniorane som engsta seg for å byrje med trening, fortel ho.

Sjølv trenar ho på treningssenter og er glad i gruppetimar.