Camping får nye eigarar

Dei førre eigarane, eit trekløver frå Haugesund og Tysvær, dreiv campingplassen i berre to år før dei kasta korta, eit halvt år etter at pandemien ramma landet, inkludert reiselivsnæringa. Haugaland tingrett opna 30. oktober 2020 konkurs i selskapet Camp Rullestad AS, og sidan har det ikkje vore drift ved anlegget.

Rune Johan Simonsen stadfester overfor Grannar at dei er i dialog med Etne Sparebank om overtaking av turistanlegget ved Rullestadvatnet. 55-åringen er den sentrale eigaren i Multi Industrier AS som har hovudkontor på Aksdal i Tysvær.

Det lukkast ikkje Grannar å få kommentar av Simonsen før helga om siste status i saka, men han har tidlegare opplyst at planen er å oppretta eit nytt driftsselskap saman med lokale eigarar. Det har tatt lenger tid å få alle brikkene på plass enn det investoren først såg for seg.