Tidlegare år har førehandsrøystinga i Vindafjord gått føre seg i rådhuset, men i år blir dette endra.
— Førehandsstemminga startar tysdag 10. august, og vil gå føre seg på Sjøperlo. Dette lokalet er betre eigna for smittevern dersom det kjem mykje folk på same tid, sidan ein kan gå inn og ut ulike stader, opplyser Stina Hetland Golf, leiar for service og fellestenester i Vindafjord kommune.
Tidlegstemminga har i sommar gått føre seg på rådhuset, men etter 10. august vil ein ikkje kunne stemme der.
