Byr på bibelhistorie med musikk

Måndag 23. januar blir ein spesiell dag i Ølen kyrkje. Då kjem fiolinist, fotograf og historieforteljar Christian Stejskal for å framføre førestillinga Markusevangeliet – ord, bilete og musikk».

Førestillinga er ei unik framstilling av Markusevangeliet fortalt utanåt med korte innslag av eigenkomponert musikk på fiolin sett saman med 90 svart/kvitt fotografi frå Midtausten i dag på biletskjerm. Stejskal har gått i Jesus sine fotspor og fotografert det kulturelle landskapet i Israel, Jordan og Egypt på leiting etter 90 bibelske motiv som illustrerer Markusevangeliet sine 16 kapittel.