Bygdefest mot nye høgder med Fyk»

Klokka har passert 21:00 og dørene har opna på Bygdahuset i Imsland. Det strøymer på med folk, den eine etter den andre finn sin plass rundt i festlokalet. Det summa og stemninga er rett å slett stigande i lokala på Imsland bygdahus. Bandet ”Fyk» gjer seg klar til å gå på scena. Denne palmelaurdagen har Fyk» release party med sitt ferske album Fyk for Faen».

— Aldri før har det vore slik oppslutnad frå publikum til den årlege påskefesten på huset her, seier vokalist og gitarist Jarle Nordtveit Åsheim som i tillegg er med å arrangere den årlege festen på huset. Han legg til at nytt i år er førehandsal av billettar. Salet har passert rekorden frå tidlegare år lenge før palmelaurdagen er her. Publikum i alle aldrar frå fjern og nær møter opp. Akkurat slik det var på dei gode og gamle bygdafestane før i tida, med knallgod musikk og kjempestemning.