— Bygda har ei fantastisk dugnadsånd

— Min favoritthobby er å gå tur i fjellet. Eg likar også å trene og bake.

— Kor reiser du helst på ferie?
— Denne haustferien reiste eg til Italia, som har vore ein draum eg alltid har hatt. Eg kjem absolutt til å reise dit fleire gonger.

— Kva er det beste med bygda du bur i?
— Det beste med bygda eg bur i, er at alle kjenner alle, og me bur på ein trygg plass for barna våre. Og at bygda vår får til det meste på grunn av ei fantastisk dugnadsånd.

— Kva saknar du i bygda di?
— Eg saknar ikkje så mykje eigentleg.

— Kva er ditt favorittmåltid?
— Mitt favorittmåltid er sosakjøt. Men eg gler meg alltid til pinnekjøt i jula også.

— Kva gler og kva irriterer deg mest?
— Å vere med familie og vener gler meg mest. Sjølvopptatte menneske irriterer meg mest.

— Dersom du hadde politisk makt, kva ville du kjempa for?
— Då ville eg kjempa for ein betre ordning for eldreomsorga, barnehagar og skular.

— Kva gjer du når du skal unna deg noko ekstra?
— Viss eg skal unne meg noko ekstra, då riggar eg meg til i sofaen med ost, kjeks og vin og ser på ein film eller serie.

— Kva er ditt beste barndomsminne?
— Mitt beste barndomsminne er når sommarferien kom, å kunne bade og kose meg med vener og familie. Sommaren verka som ei endelaus tid.

— Kven ser du mest opp til?
— Eg ser mest opp til stefaren min, som er min superhelt.