Bureisinga i Bjoadalen

Til Fellesforum» på Kyrkjetunet i Ølen onsdag 8. mars kjem tre av forfattarane av boka Slit og draumar i Bjoadalen», som kom ut i 2021. Det året var det hundre år sidan dei første familiane gjekk i gang med nydyrking i Bjoadalen, og det var eit godt høve til å skriva ned soga om dei hundre åra med bureising og bondeliv i dette området. I kåseriet gir dei oss eit lite møte med desse framsynte og modige menneska som flytta ut i veglaus myr, for å prøva å skapa seg eit liv på eigen gard. Litt om personane, slitet og samhaldet, om tøffe lagnader og stubbar til å humra av. Frå handamakt og hest til mekanisering og effektivisering heilt fram til i dag. Også KM-karane frå Etne kjem til arrangementet.