— Brukar skremmande mykje tid på akvariehobbyen

— Kva er din favoritthobby?

— Akvariehobbyen. Bruker skremmande mykje tid på den.

— Kor reiser du helst på ferie?

— Til varmare strøk. Typisk sydenferie.

— Kva er det beste med bygda du bur i?

— No bur ikkje eg i Etne lenger, men det er mykje eg saknar. Ein liten, men viktig ting er å helse på folk ein går forbi. I Oslo er det sjeldan at ein helsar på folk.

— Kva saknar du i bygda di?

— Det er viktig å oppretthalde ulike kulturtilbod i bygda. For at det skal fortsetje å vere tilbod, er det viktig at ein brukar dei. Gå på konsert, kino, teater, quiz, bingo eller basar. Felles opplevingar er viktige for samfunnet. Oppfordra ungane til å gå på korps, fotball, dans og ungdomsklubb.

— Kva er ditt favorittmåltid?

— Pinnakjøtt (i juletider).

— Kva gler og kva irriterer deg mest?

— Eg set stor pris på folk som er positive og glade, og som spreier god energi rundt seg. Noko som irriterer meg, er når nokon ikkje er opne og reflekterte nok til å sjå fleire sider av ei sak.

— Dersom du hadde politisk makt, kva ville du kjempa for?

— Meir og betre kulturtilbod, spesielt for barn. Gjerne så billeg som mogleg, om ikkje gratis, slik at alle barn får like moglegheiter.

— Kva gjer du når du skal unne deg noko ekstra?

— Kanskje å spele videospel på datamaskina. Det er ikkje så ofte eg får tid til det meir, men eg synest det er veldig kjekt når eg først set i gang.

— Kva er ditt beste barndomsminne?

— Etnemarknaden. Det var høgdepunktet kvart år då eg var yngre. Det kjekkaste for meg var nok vikingleiren. Fekting, eventyr og rollespel var midt i blinken for meg.

— Kven ser du mest opp til?

— Har ikkje ein konkret person. Men alle som klarer å både vere reflekterte, positive og behandle andre med respekt, ser eg gjerne opp til.