Bråk på Rootsen
Ein mann i 20 åra vart bortvist frå Rootsfestivalen i Vikedal etter å ha kasta øl i ansiktet på ein Vektar.
Vakthavande ved Haugesund stasjon opplyser at politiet fekk melding om ein mann i 20 åra som kasta øl i ansiktet på ein vektar fredag kveld klokka 23:15 på Rootsfestivalen i Vikedal. Dette resulterte i eit munnleg pålegg frå politiet om å forlate festivalområdet til klokka 08:00 laurdag.
Vektaren har anmeldt mannen og politiet behandlar saka.
Annonse
Full mann i skogen
Klokka 00:15 natt til laurdag fekk politiet ei ny melding i forbinding med Rootsfestivalen. Personen som melde frå høyrde lydar i skogen og fann ein sterkt berusa mann. Det blei sendt ein politipatrulje til mannen. Vedkomne kasta opp. Det blei ordna taxi og mannen blei sendt av gårde i den. Det blei ikkje oppretta sak, fortel vakthavande ved Haugesund stasjon.
Sovande mann i Ølen
Tidleg laurdags morgon klokka 05:20 fann politiet ein sovande mann i Ølen. Mannen kvikna til etterkvart og blei sendt i retning busstoppet.
