Bok, teikning og musikk på Etne bibliotek

På tysdag kjem forfattar, illustratør og musikar Vegard Markhus på besøk til Etne bibliotek og lagar ei koseleg kveldstund for barn og vaksne. Han skal lesa Ei kjedeleg bok» – og to. Markhus illustrerer bøkene sine sjølv, så det vert òg teikning av underfundige figurar. Han spelar dessutan i bandet Naboen min», og vil framføra songen Male himlen blå» denne kvelden, ein song som er godt kjent for mange av barna på småskulen i Etne.

Vegard Markhus er ein prisløna forfattar med røter i Etne. Han skriv på nynorsk og har laga mange kjekke biletbøker i tillegg til at han skriv lettles-serien Rine og Ravi». Denne tysdagskvelden får ein høyra både ei biletbok samt den nyaste boka om Rine og Ravi og den sprø Lærar-Knut.

Biblioteket serverer bollar og bananar til kveldsmat, og håpar mange har lyst å ta turen.