Bok om stølar etter to års arbeid
Stølsdrift har lange tradisjonar her til lands og skriv seg truleg tilbake til forhistorisk tid. På 1700-talet dreiv kvart tredje gardbrukar i Sør-Noreg seterbruk, og i følgje ein rapport frå Norsk institutt for bioøkonomi (NIBIO) var det ved inngangen til 1900-talet rundt 100.000 setrar her til lands. I dag er talet redusert til 922 aktive setrar med tradisjonell drift.
Også i Etne har stølar og seterdrift spelt ei viktig rolle i landbruket, og tal frå 1723 viser at så mange som 80 prosent av bruka i Etne hadde støl. Mot slutten av 1800-talet minka det på stølsdrifta og på midten av 1950-talet var det berre få stølar igjen i Etne.
På leit i fjellet
