Blest til Kulturnatt Etne

Kulturnatt Etne i slutten av januar blir fullspekka av aktivitetar, musikalske innslag, teaterframsyning, kunsthandverk, verkstad for barn og sal av norske og eksotiske rettar. Det meste av programmet føregår på Skakke, men også Etne omsorgssenter og Galleri Misteltein held dørene opne for alle som ynskjer å høyra glade tonar eller nyta lokal kunst.

Sogelaget i Etne vil markerer 70 år sidan den 2. verdskrig braut ut i Noreg med vandring i sentrum, og på Hotel Fønix er det duka for musikalske tonar til langt ut i dei små nattetimar.

— Det er viktig at folk set av heile dagen, seier leiar i komiteen, Solveig Håheim og håpar på godt besøk.