Astrid trå Sørheim, Nils Halleland og Ingvor Gundegjerde i Etne Sogelag inviterer til forteljarkveld i Stødle kyrkje.
Irene Mæland Haraldsen
Bles liv i lovgjevarkongen
I snart to år har den internasjonale sceneforteljaren Torgrim Mellum Stene (46) reist land og strand rundt med si spanande og gripande forteljing om Magnus Lagabøte. Nå er turen komen til Etne og Stødle kyrkje.
År 1274 fekk blei heile det norske kongeriket
samla under ei lov. Bak lova stod Magnus VI Håkonsson, son av Håkon Håkonsson og
konge i åra 1263 til 1280. 750 år etter at lova blei lagt fram på
Frostatinget blei Landslova markert med jubileumsarrangement over heile landet der
aktivitetar, utstillingar og førestillingar stod på programmet.
Bak eitt av
arrangementa stod forteljar Torgrim Mellum Stene som i samarbeid med
Nasjonalmuseet skapte ei førestilling om kong Magnus, hans liv og hans rolle
som lovgjevar. I snart to år har den 46 år gamle sceneforteljaren reist rundt i
heile landet med førestillinga «Magnus Lagabøte, Kongen som ikkje ville bli
konge.» Fredag er han på plass i Stødle kyrkje i Etne der han hadde sin
forteljardebut for snart 17 år sidan.
— Eg har eit varmt hjarte for Etne. Eg
starta forteljarkarriera mi i Stødle kyrkje i 2009. Det var der eg hadde mitt
første oppdrag for Etne Sogelag med å laga den historiske forteljinga Kongespelet
om Erling Skakke som drog på korstog, seier Torgrim Mellum Stene.
