Blant dei første til å få koronastøtte
Dagleg leiar Kjell Gjendem (54) ved Ølen Gjestegård AS var tidleg klar med rekneskapen og blant dei første bedriftene som fekk godkjent tilskot etter at den nye kompensasjonsordninga knytt til koronastøtte var klar.
I januar opna den nye kompensasjonsordninga for næringslivet som skal forvaltast av Brønnøysundregistrene. Den nye ordninga skal hindra svindel og juks, og alle verksemder med svikt i omsetnad grunna koronapandemien som søkjer om tilskot, må først få stadfesting frå autorisert rekneskapsførar eller revisor før dei kan få utbetaling.
Dagleg leiar i Ølen Gjestegård AS, Kjell Gjendem, var ein av få i Etne og Vindafjord som fekk tildelt tilskot for tidsrommet september til desember like etter at den nye ordninga blei opna.
— Det var tilfeldig at me var klar med rekneskapen. Me var veldig tidleg ute, seier Kjell Gjendem som sikra seg rundt 100.000 kroner i støtte for dei siste fire månadane i fjoråret.
