Biovind er på leiting etter investor

Biovind AS er no aktivt på søk etter investorkapital for anlegget til 400 millionar.

I lag med styreleiar Torleif Stople frå Biobonden AS, fortalde Furseth at vegen går vidare for planane på den allereie godt tilrettelagte tomta i Ølen Næringspark på Nerheim. Rett nok er dei no avhengige av å få inn kapital utanfrå.

Biobonden AS organiserer dei 59 lokale bøndene som skal levera råstoff til biogass-anlegget. Tilbake får dei tørrstoff etter at gassen er tatt ut på anlegget. Det er eit potensiale for bonden i dette som kan medføra halvering av gjødselsforbuket på garden.