Biogass-gründar Jan Kåre Pedersen (t.v.) i Renevo AS hadde besøk av samarbeidspartnarar frå det franske selskapet Cryo Pur i Etne tysdag. Det var administrerande direktør Geoffroy Mattlinger, grunnlegger og teknisk direktør Dr. Denis Clodic og forretningsutviklingar Clément Prot.
FOTO: TORSTEIN TYSVÆR NYMOEN
Biogass-gründer ønsker klare svar frå bøndene
Renevo AS, som vil bygge biogass-anlegg i Etne, vil no spørje bøndene om selskapet får nytte møkka deira i fabrikken eller ikkje. — Dei må ta eit vegval, seier dagleg leiar Jan Kåre Pedersen.
Det er tilgangen til råvara husdyrgjødsel som blir tema når Renevo-sjefen inviterer Etne-bøndene til eit møte på Skakke fredag. Og nettopp råvarene er det no rift om. For det er planar om biogassanlegg også i Ølen i regi av selskapet Biovind AS. Og som Grannar har skrive om før, er det enno eit ope spørsmål om det er møkk nok på Indre Haugalandet til å levere til to anlegg.
— Må ta eit vegval
Etne-møkka vil bli eit sentralt tema når Renevo møter bøndene. Biovind AS har nyleg hatt eit tilsvarande møte med lokale bønder.
