Bevarer historia på barndomsgarden

Trygve Sandvik har i mange år pussa opp og restaurert garden i Sandvik. Den tidlegare kemneren i Haugesund kjøpte barndomsheimen på slutten av 70-talet og har jamt og ujamt restaurert bygningane på garden.

Tok skippertak

For å koma til staden køyrer ein via Åmsosen og nesten til endes på grusvegen gjennom Stokkadalen. Garden som ligg ytst i Sandeidfjorden, kan sjå inn til Vikedal og har ei lang tradisjon bak seg som eigaren ønskjer å bevara. Sjølv bur han og kona på Knapphus, men dei er mykje i Sandvik, særleg på sommarhalvåret.