Berre» eit virus…

Kva skal me gjere i vinterferien i år? spør ungane. Eg veit ikkje med dykk, svarar eg, men eg skal jobbe! Februar er høgsesong i min bransje. Både fastlegekontor og legevakta har tettpakka dagar med sjuke folk no. Denne vinteren har vore uvanleg varm, ikkje berre på grunn av global oppvarming. Også feberen har herja ekstra hardt med oss i år.

— Det er nok berre eit virus, seier legen. Pasienten går heim utan resept på medisinar og med uforretta sak. Men me er jo så sjuke … Og det går jo ikkje over! — Eg har vore sjuk av og på sidan før jul, seier mange.

Sidan det er dette me snakkar om for tida – i tillegg til veret – tenkte eg å bidra med ein liten dose lettfatteleg folkeopplysing. For kva er dette med virus, og kvifor kan ein ikkje berre få ein kur?