Bente Skålnes Sandsgård er aktiv på Bjoa, med å laga til aktivitetar for folk i alle aldrar.
FOTO: RAGNHILD KRISTINE LØKKEN.
Grannarblomen
Bente fekk Grannarblomen
Bjoabuen Bente Skålnes Sandsgård er med på å skapa fleire samlingstader i bygda si. – Eg synes det er viktig at ungdommane har ein plass å vera.
Denne vekas Grannarblom går til ei dame som er med i mange ulike grupper på Bjoa, og som jobbar for at bygda skal vera ein kjekk plass å bu. Av tipsaren blir ho beskrive som inspirerande, og ei dame som spreier mykje glede og engasjement.
— Ho gir oss trua på at det meste går an, så lenge me løftar i lag!
Dama det er snakk om er Bente Skålnes Sandsgård. Ho er opphavleg frå Ølen, men flytta til Bjoa saman med mannen i 2002. Der stifta ho familie, og etter kvart blei ho meir engasjert i lokalmiljøet.
