Bautaen begeistra publikum
Det var tett i tett med folk i teltet då Bjørn Eidsvåg gjesta Vikedal.
Fredag var det Bjørn Eidsvåg (68) som opna konsertkvelden i båthamna under Vikedal Roots Music Festival. Det tok ikkje lang tid frå han byrja å spele, til det var tett i tett med publikum som trekte inn i teltet for å høyre. Den folkekjære artisten halde på med musikken i meir enn 50 år, og slagarar som Eg komme, Ingen vei tebake og Floden blei servert allereie i starten av konserten.
Nøgd festivalgjest
Annonse
Elias Eide Seldal (21) frå Vikedal er blant fansen til den rutinerte musikaren.
— Det er veldig fint og inspirerande å sjå at han har halde på så lenge. Eg har høyrd han sidan eg var liten, seier 21-åringen, som er ekstremt godt nøgd med konserten.
— Eg hadde betalt det dobbelte for å komme inn, forsikrar Seldal.
— Kva likte du best med konserten?
Annonse
— Han syng allslags som alle kan synge med på. Slikt blir det god stemning av, seier 21-åringen.
— Tre lange år
— Kva gler du deg mest til i løpet av festivalhelga?
— Det er denne konserten eg har gleda meg mest til. Det er også veldig fint å sjå at folk samlast i Vikedal igjen, etter tre lange år utan skikkelege festivalar, seier Seldal.
— Kva er dine største Eidsvåg-favorittar?
— Floden og Skyfri himmel er dei absolutt største favorittane mine, seier Seldal.
Annonse
— Spenstig
Steinar Holthe frå Vikedal har også sakna festivalen dei siste åra.
— Eg har besøk i helga, og me har kjøpt pass. Me kjem nok til å høyre deg meste, fortel Holthe.
— Kven ser du mest fram til å høyre?
— Eg ser fram til Bjørn Berge, han er suveren. Eg gler meg også til å høyre Eidsvåg, Storm Weather Shanty Choir og Vamp, seier Holthe.
Han er imponert over det festivalgjengen får til.
Annonse
— Dei har halde på i over 20 år. Det er ikkje så mange som klarer å halde på så lenge. Eg synest dei fortener den skryten dei kan få, seier Holthe.
Han hadde planar om å få med seg konserten på Lysenuten også, men vêret gjorde at arrangørane måtte avlyse.
— Det er eit spenstig og spennande prosjekt. Eg håpar dei gjev det ein ny sjanse til neste år, seier Holte.
Sjå biletserien øvst i saka!
