Båt-og campingfolket lada opp til fredagens festlegheiter
Det oste av god stemning i Vikedal då årets Roots Music Festival andre festivalkveld var i gang, og rundt festivalområdet krydde det av campingvogner og båtar med folk som gledde seg til kvelden.
Fredag ettermiddag var det rolegare på festivalområdet enn på dagen og kvelden. Likevel var det folksamt i både campingvogner og båtar rundt i Vikedal. Tony Veland, Jeanette Nes Hansen og Henrik Helland ladde opp til kvelden i båthamna.
— Eg har segla heile vegen frå Jørpeland, seier Tony Veland som pratar stort om seglbåten sin.
Dei tre besøkande såg fram til både fredagen og laurdagen, men det var laurdagsprogrammet som falt mest i smak. Både Vamp, Tobias Sten og The Kilkennys blei nemnt når dei fekk spørsmål om kven dei gledde seg til å høyre. I tillegg skaut Tony Veland inn Darling West.
