Barokkmusikk i Ølen kyrkje

Etter ein lang koronapause, gjer Vindafjord Barokkensemble seg klar til ein ny konsert i Ølen kyrkje på søndag. På programmet står musikk av velkjende barokkmeistrar som Händel, Vivaldi og Corelli, men og spenstig fransk barokkmusikk som ikkje er så godt kjend. Den svenske Händel», Johan Helmich Roman, får vi òg gjenhøyr med.

Dei fleste i Vindafjord Barokkensemble har bakgrunn frå lærarstaben i Vindafjord kulturskule og ensemblet oppstod etter eit seminar med musikaren og ekspert på tidleg musikk, Rastko Roknic. Han er busett i Malmø og er verksam i fleire orkester både i Sverige og Danmark. No er det klart for nytt og etterlengta seminar med Rastko, og konserten kjem som avrunding av eit intenst og givande musikalsk samvær. Konserten er eit samarbeid mellom Ølen sokneråd og Vindafjord Barokkensemble.