Badstufeber på Bjoa
Laurdag blei den nye badstua i Vedvikjo på Bjoa offisielt opna med kaffikos, sjøbad og badstubading i strålande solskin.
Vêret viste seg frå si beste side då bjoabuen samla seg til opning av den nye badstua. Sola skein frå ein skyfri himmel og temperaturen i sjøen kraup opp mot 18 grader. Det passa perfekt for alle som ønskte å kombinera ein dukkert med eit varmande sveittebad i sjøkanten.
— Eg vil starta med badstua, så blir det bading etterpå, seier Gro Johannessen og finn fram badedrakten.
— Dette blir kjempekjekt og eg ser fram til mørke vinterkveldar med badstubading. Det blir nok sjøbad då også, seier ho.
