Konfetti og jubel på Oslo Børs då Autostore vart børnotert i 2021.
FOTO: Marius Beck Dahle/Oslo Børs
Autostore til vêrs etter børsnotering
Aksjekursen til Vats-verksemda Autostore gjekk til vêrs etter at dei frå klokka ni onsdag vart notert på Oslo Børs. Både gründer Jakob Hatteland og konsernsjef Karl Johan Lier sine eigne aksjer i selskapet har hatt ei verdiauke på fleire titals millionar kroner sida i morges.
Autostore, lagerrobot-verksemda med hovudkontor i Åmsoen i Vats, skreiv historie klokka 9 onsdag. Då ringde konsernsjef Karl Johan Lier i bjølla på Oslo Børs, ei seremoniell handling som markerer at selskapet no er børsnotert.
Åttande største
Og for ein start aksjane fekk i den opne marknaden. Autostore-aksjen blei lansert på Oslo Børs for 31 kroner, og steig til nesten 33,98 kroner etter berre eit kvarter etter Klokka 10 var den førebels toppnoteringen 35,69 kroner, ifølgje E24.
