Auka prisar bekymrar dei unge mest

Unge tenkjer mykje på eigen økonomi og er aller mest bekymra for auka prisar. Det viser ei fersk undersøking.

7 av 10 unge er bekymra for auka prisar, og 6 av 10 er bekymra for eigen økonomi. Auka prisar er den største bekymringa blant unge, ifølgje rapporten Ung2026 frå Opinion.

Undersøkinga viser også at det er mange som drøymer om å tene mykje pengar. Økonomisk fridom, eigarskap og eit liv med rom for både tryggleik og draumar står høgt i kurs.