Åtvarar mot utrygg is

— Etter nokre dagar med minusgrader begynner vi å få inn meldingar om at folk ferdast på islagte vatn. Vi ønsker å minne om at ingen islagde vatn er å rekna som sikre før det er skilta med sikker is. Sidan nokre av meldingane gjeld barn på is er det viktig at foreldra informerer barna sine om faren ved å ta seg ut på is som ikkje er sikker, skriv politiet Sør-Vest i politiloggen.

Ved Etne og Vindafjord politistasjon i Ølen har dei så langt ikkje fått inn meldingar om folk som har testa isen på sjø eller vatn, men seksjonsleiar Kari Rørtveit ber folk kontrollera isen nøye før dei vågar seg utpå.

— Det er opp til kvar enkelt å sjekka, seier ho.