Attende til Medvind24

Ho overtar stillinga etter Merete Vårvik Matre, som etter nyttår forlét sjefjobben for Medvind24 Næringshage. Det er ikkje meir enn vel eitt år sidan at Aakra slutta i Medvind for å gå over i politikken på heiltid. Ho er også aktiv i lokalpolitikken som kommunestyrepresentant i Etne.

Det er ikkje eit heil ukjent farvatn 36-åringen gir seg inn på. Etnebuen har tidlegare arbeidd både som redaktør for nettstaden og vore fungerande dagleg leiar i næringshagen. Det var 17 søkjarar til stillinga som ny dagleg leiar i Medvind24 Næringshage. Tilsetjingsnemda har gjennomført intervju med fem kandidatar, og landa på å gi Kari Aakra tilbod om stillinga. Ho har takka ja.

Terje Aarekol som er styreleiar i næringshagen, er særs godt nøgd med valet.