Heider til representantar frå Friluftsrådet Vest: Frå venstre: Knut Arild Sørensen (informasjonsansvarleg), Inga Øverland Apeland (styremedlem), Oddvin Øvernes (dagleg leiar), Jostein Grov (styremedlem), Arne-Kjell Askeland (styremedlem).
Foto: Friluftsrådenes Landsforbund
Årets Friluftsråd
Friluftsrådet Vest har fått prisen som Årets friluftsråd 2014, og får mykje skryt.
Det er Friluftsrådenes Landsforbund (FL) som har gitt det regionale rådet den gjæve prisen. Friluftsrådet Vest har eksistert i 30 år og har markert seg med ei rekkje tiltak på Haugalandet og i Sunnhordland for å få folk ut i natur og frisk luft.
Arbeidet med sikring av naturperla Valøya i Kvinnherad er den direkte bakgrunnen for heideren. Valøya er beiteland for Valen og Handeland gard, men også eit viktig rekreasjonsområde med kulturminner, stiar, raste- og badeplasser.
