550.000 besøkte visingssentera til havbruksnæringa

Over ein halv million menneske besøkte dei vel 30 visingssentera til havbruksnæringa i fjor. Det kjem fram i ein rapport som onsdag vart overlevert fiskeri- og havminister Marianne S. Næss.

Visingssentera tilbyr også besøk på produksjonsanlegg. Rapporten peikar på at besøk som blir kombinerte med slike tilleggsaktivitetar, har stort potensial til å gi læringsutbytte for alle deltakarar.

Rapporten, som er finansiert av Forskingsfinansieringa til fiskeri- og havbruksnæringa (FHF) og utarbeidd av Menon Economics, konkluderer med at visingssentera lykkast godt med formålet med ordninga om å styrkje kunnskapen til folk om havbruk.