105 år – men lett på foten

Sist laurdag hadde Kystlaget Romsa storfint besøk på Haukelandstunet på Romsa.
Kari og Arne Haukeland budde i tunet på Romsa fram til 1960. Dei hadde ein barneflokk på sju. Av desse er det no berre to attlevande. Det er søstrene Ida Buttedal og Lillian Bergesen. Ida er eldst, og er no 105 år. Lillian er nokre år yngre , ho er berre 97. Begge bur dei i Bergen.

Men det verka ikkje som at alderen tynga dei særleg. Det var to sprudlande og livsfriske damer som kunne fortelja om Romsa i farne tider. Med seg i følgjet hadde dei fleire frå neste generasjon etterkomarar og bestemorborn og oldeborn.

Program for dagen var omvisning i tunet, eit måltid mat og forteljingar frå den tida dei budde på Romsa.