F.v: Maren Tjelmeland Husstoft, einingsleiar i Vindafjord kommune, Ragnhild Kaski, generalsekretær Av-og-til, og Liv Ellen Ebne, SLT-koordinator i Etne kommune.
Foto: Kai Chen / Chen Media
Debatt
Råd til ungdomsforeldre
Når prata du sist om alkohol med tenåringen i huset? Desse tipsa kan kanskje hjelpe deg på vegen til ein god og ærleg samtale.
Våren står for døra, og naturen vaknar til liv. Sola varmar, dagane blir lengre, og ungdommane våre gler seg til alt som ligg framfor dei. For mange tenåringar er dette ei tid for nye opplevingar. Kanskje får dei sin aller første invitasjon til ein fest? Det er spennande, men dette er òg ei tid det er viktig å vere førebudd på.
Mange unge vil få sitt første møte med alkohol denne våren. Det kan vere både spennande og utfordrande, men ungdomsfylla er farleg. Det er vi foreldra som har ansvar for å støtte ungdommane våre i denne perioden.
