Sykkelritt gjennom Vindafjord

— Det er fantastisk at rittet er tilbake. Nå håpar me berre at så mange som mogleg vel å sykle rittet, seier Torstein Kjerpeset, nestleiar i Sauda Sykkelklubb.

Frå 2010 og til og med 2019 har rittet hatt fleire enn 300 deltakarar. Den første utgåva blei arrangert tilbake i 1987, då 38 ryttarar stilte til start. I år tydar alt på at deltakartalet går kraftig ned samanlikna med dei siste utgåvene før koronapandemien sette dette og liknande arrangement på vent. Rett før klokka 15.00 fredag er det 156 påmelde.

Dei raskaste ryttarane startar rittet klokka 11.00 ved Amanda. Politi og motorsyklistar vil varsle, dirigere og trygge trafikken rundt deltakarane, og andre trafikantar må rekne med litt lenger tid om ein køyrer frå Haugesund i retning Knapphus og derifrå mot Sauda.