Sport
Suksess på cup
Etne IL nådde finalen i alle klassane dei stilte lag i under Zinken Cup i Odda i helga. Tre av laga gjekk heilt til topps.
I J13-klassa stilte Etne med to lag. Dei møtte kvarandre i semifinalen, som enda 1–1, og det var laget med namnet Etne 2 som gjekk til finalen. Der tapte dei 2–0 mot Norheimsund/Øystese.
G14-laget til Etne vann alle dei fem kampane sine på veg mot pokalen. Dei sleppte berre inn mål i finalen mot Haugar 1, som dei slo 2–1. Lukas Tendal skåra begge måla i finalen.
Etne J14 spelte éin uavgjort kamp i gruppespelet og vann resten. I finalen slo dei Stegaberg 3–0 etter mål av Inger Rullestad, Astrid Kvalvågnes og Madelen Haugen.
