Inger Constanse Eidhammer Lunde tok bronsemedalje under fredagens UM-finale på Jessheim.
Sette personleg rekord på 100-meter
Inger Constanse Eidhammer Lunde (17) smiler frå øyra til øyra i dag, for ikkje berre sprang ho inn til ein solid 3. plass i ungdomsmeisterskapet på Jessheim, men i tillegg sette ho personleg rekord på distansen.
Aldri før har Inger Constanse Eidhammer Lunde frå Etne trena så konsentrert som ho har gjort denne sommaren, og fredag fekk ho endeleg løn for strevet. Ho deltek i ungdomsmeisterskapen (UM) på Jessheim i helga, og fredag skulle finalen på 100-meter gjennomførast. Dette er favorittdistansen til 17-åringen, og det heile starta med tre heat, der dei to raskaste i kvart heat kom direkte til finalen. Lunde sprang inn til ein tredje plass i dette heatet, med tida 12.68. Då dei tre heata var gjennomførte og seks finalistar var på plass, var det to ledige plasser igjen i finalen. Då Lunde kunne visa til 4. beste tid av alle løparane, fekk ho tildelt finaleplass.
— Heatet til Inger Constanse var eit veldig tøft heat, med mange sterke løparar, seier Gøril Eidhammer som er mor til Lunde.
12.57
