Åsmund Norheim skåra mot Avaldsnes, men Etne måtte reise heim utan poeng.
Arkivfoto: Magne Skålnes
Etne smatt forbi Ølen på tabellen
Både Ølen IL og Etne IL spelte bortekampar i Haugesund fredag. Ølen måtte gi tapt for storfavoritt Haugar, mens Etne tok ein solid bortesiger mot Hemmingstad.
HAUGAR – ØLEN 2-1: Haugar har vore suverene i 5. divisjon så langt i sesongen og stod med full pott etter dei første sju kampane. Men Ølen har ikkje vore stort dårlegare, og hadde berre tapt to poeng så langt. Heimelaget Haugar skåra rett før pausen, men Ølen kvitterte etter ni minuttar av andre omgang.
Unge Johannes Størkersen stod for målet. Det såg lyst ut for Ølen då Haugar-spelar Leif Kristian Tindeland fekk marsjordre med ein halv time igjen å spele. Men Ølen greide ikkje å utnytte dette. I staden skåra Haugar på tampen av kampen, og står framleis med full pott etter åtte kampar.
Etne med sterk siger
