Vil ikkje prioritere tunnel

Gjennom fleire år har mange peika på at ein 11,8 kilometer lang tunnel frå Sauda til Frette i Stordalen vil kunne gi grobotn for ein heilt ny felles bu- og arbeidsmarknad i aksen Sauda-Etne-Odda-Husnes. No jobbast det på spreng frå Sauda-sida for å få finansiering til ei realisering. Dei peikar mellom anna på at ei planlagt opprusting av Statnett si straumleidning gjennom Nordstøylsdalen, skal kunne skje gjennom å leggje den som ein del av ein ny tunnel. Noko dei meiner gjer tunnelen meir aktuell ein nokon gong før.

Mogelegheitsstudie

Gjennom møte som Etne-ordførar Mette Heidi Bergsvåg Ekrheim (Sp) har hatt i Sauda, og som ho gjorde greie for i formannskapet tysdag, kom det fram at Etne kommune no blir oppmoda til å gå i gang med naudsynt reguleringsarbeid for den delen av vegprosjektet som ligg i Etne kommune.