Janet Maria Furseth er engasjert i skigruppa til Vindafjord IL. At barn og unge har eit variert idrettstilbod er svært viktig, meiner 44-åringen.
Foto: Privat
10 Kjappe
— Viktig å ha mange aktivitetar
Etter ein snøfattig vinter i fjor, kunne Vindafjord skigruppe endeleg arrangera renn igjen på Fjellstøl i sist veke. Janet Maria Furseth i arrangørkomiteen synest ulike aktivitetar er viktige i eit idrettslag.
Janet Maria Furseth er ei av mange som står bak skirenna som blir arrangert for barn i Vindafjord, og sist onsdag gjekk første skirenn på ei stund av stabelen. Rundt 90 deltakarar hadde meldt seg på, rennet blei svært kjekk for både deltakarane og arrangøren.
— I fjor var det ikkje eit einaste renn grunna snøfattig vinter, så me håpa i det lengste at onsdagens skirenn kunne gjennomførast, seier Furseth.
Ho legg til at det er viktig for rekrutteringa i klubben, der ho saman med fire andre vil arrangere fire renn i sesongen.
