Ølen vgs er blant skulane Rogaland fylkeskommune driv.Arkivfoto
Vidaregåande skular i Rogaland vil masseteste elevar
NPK-NTB: Rogaland fylkeskommune ønskjer å masseteste elevar i vidaregåande skular for koronavirus. Målet er å halde skulane opne sjølv med høgt smittetrykk.
Førespurnaden om å bli med er send ut til vidaregåande skular i heile Rogaland, skriv Stavanger Aftenblad.
— Vi håpar å byrje med rundt ti skular. Alle elevane skal testast to gonger i veka, og det skal gjerast på skulen. Målet er at jamleg massetesting skal redusere smittespreiing, seier fylkesordførar Marianne Chesak.
Ho håpar tiltaket vil føre til færre i ventekarante og ein meir normal kvardag for elevane.
Det er opp til rektorane ved kvar enkelt skule å bestemme om dei skal vere med på massetestinga.
