Illustrasjon av symjehallen og bygdahuset i Vats.Illustrasjon: HLM Arkitektur
Tre vil leie Vindafjordhallen
Tre personar har søkt stillinga som dagleg leiar for den nye Vindafjordhallen. Kommunen har allereie fått på plass ein byggansvarleg til storstova, som opnar til våren.
Dei tre søkarane er Espen Rudi (42), som bur i Asker og jobbar som produksjonskoordinator/leiar, Vindafjord-busette Mangor Bårdsen (43), som er byggdriftar, og Lena Espeset Litlehamar (23) frå Vindafjord, som ikkje har oppgitt noverande stilling. Dette opplyser Haugesunds Avis, som var først til å omtala saka.
Raskast mogleg
Jobben som dagleg leiar er lyst ut som ei 50-prosentstilling. Kommunalsjef Halfdan Krohn Brekke for samfunnsutvikling seier til Haugesunds Avis at tilsettinga vil skje så raskt som mogleg. Når dagleg leiar er tilsett, vil det bli rekruttert både reinhaldarar og badevakter.
