Trass lokal smitte: Arrangement går som normalt

Trass i kraftig auke i koronasmitte i Vindafjord den siste veka med seks bekrefta tilfelle av covid-19, blir det ikkje innført lokale restriksjonar knytt til private eller offentlege arrangement i kommunen. Det betyr mellom anna at konfirmasjonane kan gå som normalt denne helga.

— Det er ingen grunn til å avlyse, men me gjer vurderingar fortløpande. Me held oss til nasjonale reglar og forutset at folk held seg til retningslinjene, seier kommuneoverlege Terje Kleiven og ventar fleire prøvesvar på testar dei komande dagane.

— Me har kontroll på utbrotet og alle testar så langt på Skjold skule er negative, men det kjem resultat i løpet av helga, seier han.