Svært nær 9.000 vindafjordingar

Ved utgangen av kvartalet, altså 31. mars var det registrert 8.972 innbyggjarar som buande i Vindafjord kommune. Det manglar dermed 28 for at kommunen skal runde 9.000 vindafjordingar. Ved starten av året var innbyggjartartalet 8.938, altså har det blitt 34 fleire i januar, februar og mars. Ein av drivkreftene bak veksten var ei positiv nettoinnflytting på 24 personar, inkludert inn- og utvandring på tvers av landegrensene. Vindafjord hadde også eit fødselsoverskot på ti.

Nedgang i Etne

Etne opplevde ein liten nedgang frå 4.072 innbyggjarar i starten til 4.060 ved utgangen av kvartalet. Det var negativ nettoinnflytting, med fem personar meir som flytta frå enn til kommunen. I tillegg var det eit fødselsunderskot på sju.