Det kan bli ein ny debatt om fylkesskifte i Etne. Dette etter at samarbeidsrådet i Sunnhordland fredag vedtok å lage ei undervegs-evaluering av Sunnhordland-kommunene si rolle i det nye storfylket Vestland.
ARKIVFOTO: ØYSTEIN SILDE FRØNSDALFOTO: Øystein Silde Frønsdal
Susar inn i det nye fylket Vestland
Hordaland fylke er historie i det nyttårsrakettane går i vêret. Fylkespolitikar Mette Heidi Bergsvåg Ekrheim (Sp) er klar for utfordringane som ventar i Vestland.
— Det er sanneleg blitt langstrakt dette fylket vårt. Her om dagen fekk eg invitasjon til eit ettermiddagsmøte i Nordfjordeid. Eit slikt møte tar to dagar for meg, seier Etne-ordførar og fylkespolitikar Mette Heidi Bergsvåg Ekrheim (Sp).
Klokka tikkar mot årsskifte, og det er berre timar før etnebuen er å finne i eit flunkande nytt fylke. Frå 1. januar 2020 blir Hordaland og Sogn og Fjordane slått saman i éin fylkeskommune, nemleg Vestland. Fylket vil strekkje seg frå Sveio kommune i sør til Selje kommune i nord. Kortaste køyreveg mellom dei to kommunane er heile 481 km.
Mange likskapar
