Ungdomsklubben Hippo har samla ungdommar i tre tiår. Her er Veslemøy Frøyland er, Anna Haslmo, Karoline Ohm, Håkon Eiken, Jarle Søndenå Nygård, Fredrik Sundve og Eirik Eide i 2016.
ARKIV
Støtte til jubilerande ungdomsklubb
Ungdomsklubben Hippo i Skjold fyller 30 år i 2025. No får klubben tildelt 60.000 kroner i rusførebyggande midlar frå Vindafjord kommune.
Dette kjem fram i eit vedtaksbrev frå
kulturavdelinga i Vindafjord kommune, datert 10. desember. I grunngjevinga står
det at Hippo er eit viktig rusfritt fritidstilbod som samlar om lag 70–80
ungdommar kvar fredag, frå fleire av bygdene i kommunen.
— Tilbodet er eit
sentralt tiltak i det førebyggande arbeidet mot rus, og bidreg til tryggleik,
inkludering og gode sosiale rammer for ungdom. Tildelinga blir sett høgare enn
det innsendte søknadsbeløpet for å styrkje klubben sitt rusførebyggande arbeid ytterlegare,
skriv kommunen.
Midlane kan mellom anna
nyttast til innkjøp av spel og utstyr, samt andre relevante tiltak retta mot
rusførebygging. Anita Skeie Vormestrand var saksbehandlar.
