Per Tommy Fjeldheim med ein stor rømd regnbogeaure i hendene. Biletet er tatt i samband med utfiske i Etneelva for nokre år sidan.
Foto: Privat
Stor interesse for livet i vatn
Per Tommy Fjeldheim har sidan april 2017 vore dagleg leiar på Nasjonal Feltplatform i Etne. Arbeidet ved fiskefella er eit spennande prosjekt som truleg er viktig for forvaltninga av laksen framover.
Mjøndølingen som gjorde etnebu av seg for vel to år sidan trivst godt på arbeidsplassen sin, og er ein positiv austlending med ei brennande interesse for livet i vatn.
Fjeldheim har master i ferskvassøkologi og har jobba med storaure, og her i Etne arbeider han med anadrom fisk. Med andre ord: Fisk som gyt og har yngelstadiet sitt i ferskvatn, men som vanlegvis lever heile sit vaksne liv i saltvatn. Eksempelvis laks, sjøaure og sjørøye.
— Det er utruleg kjekt å vera med på eit prosjekt som skapar mykje ny og unik kunnskap om laks og aure. Kunnskapsgrunnlaget blir truleg viktig for forvaltninga av den norske laksen framover, seier han. Så langt i år har Fjeldheim ikkje sett noko teikn til sjukdom på laksen, og det er bra sidan andre deler av Noreg opplever mykje sjukdom på fisken.
