Aslaug Olden Mala avvikla drifta av Old River Saloon i vinter. Dette bildet blei tatt då ho måtte stenga grunna koronapandemien.
ARKIVFOTO: TORSTEIN TYSVÆR NYMOEN
Stille julehelg i Saloonen
Frå dørene opna for første gong 17. desember 1999, har Saloonen i Etne vore ein fast møteplass for ungdommane i distriktet i julehelga. Levande musikk og festpynta gjester har gitt den rette julestemninga.
Stengt i to månadar
— Programmet for årets julehelg var i boks i god tid, med lokale band som Fyk, Pakkers, Kviin og Local Mix på scenen. Men så slo koronaviruset ned på nytt. Denne gongen var våre bygder hardt ramma, med mange smitta og fleire dødsfall. I samråd med smittevernlegen i Etne, og etter nasjonale vedtak og reglar, vedtok me å stenga dørene i november og desember. Og dermed rauk også juleprogrammet, seier innehavar Aslaug Mala.
